Գորայքի միջնակարգ դպրոցում փետրվարի 23_ին դպրոցի փետրվարյան տոնական շքերթում իր տեղը գտավ Մայրենի լեզվին նվիրված միջոցառումը, որ պատրաստել էին 1_5_րդ դասարանների աշակերտները։
Հնչեցին բանաստեղծություններ՝ նվիրված ոսկեղենիկ մայրենիին,
երգեր, որոնք դարերի խորքից վեր հառնեցին հայկական գրերի պատմությունը։
Աշակերտները մեծ ակնածանքով և հպարտությամբ խոսեցին հայոց գրերի գյուտի և Մեսրոպ Մաշտոցի մասին։
Դպրոցի տնօրեն պարոն Թադևոսյանը եզրափակիչ ելույթով հանդես եկավ՝ շնորհավորելով դպրոցի կրտսեր սաներին և մեջ բերեց հանճարեղ գրող Ջորջ Բայրոնի խոսքերը <<Աստծո հետ խոսելու միակ լեզուն հայերենն է >>
Գորայքի միջնակարգ դպրոցում տեղի ունեցավ ասմունքի մրցույթ, որին մասնակցում էին 5_9_րդ դասարանների աշակերտները։
Ժյուրիի կազմում ընդգրկված ուսուցիչները անաչառ գնահատեցին մասնակիցներին։
Տնօրեն պարոն Թադևոսյանը գովասանագրեր հանձնեց վայելչագրության և ասմունքի մրցույթներում հաջողություն գրանցած աշակերտներին։
Շնորհակալություն ենք հայտնում կազմակերպիչներին։
Պի թիվ կամ {\displaystyle \pi ~}, մաթեմատիկական հաստատուն, որը ցույց է տալիս շրջանագծի երկարության հարաբերությունը տրամագծին։ Նշանակվում է հունական այբուբենի {\displaystyle \pi ~} (պի) տառով։ Հին անվանումը՝ Լուդոլֆյան թիվ։
Մարտի տասնչորսին նշվում է (պի) թվի ծնունդը։
Մաթեմատիկայի ուսուցիչ ընկեր Թադևոսյանը բաց դաս էր կազմակերպել 7_րդ և 9_ րդ դասարաններում ։
Աշակերտները համակ ուշադրությամբ լսեցին։ Հարցերի միջոցով քննարկումներ եղան։ Ունկնդրեցին հոգեպարար երաժշտություն։
👩‍🏫Ուսուցչի օրվա առիթով հանրակրթական դպրոցների և նախնական արհեստագործական ու միջին մասնագիտական ուսումնական հաստատությունների մի խումբ մանկավարժներ պարգևատրվել են:Նրանցից մեկը Գորայքի միջն. դպրոցի մաթեմատիկայի ուսուցչուհի Ռուզաննա Հովակիմյանն է , որը արժանացել է ԿԳՄՍ նախարարության ոսկե մեդալի:
Ռուզաննա  Հովակիմյանը նաև մասնակցել է ուսուցիչների կամավոր ատեստացիային և ստացել է 98,6% ,հաղթահարել է հավելավճարի  50% -ի շեմը:
Շախմատի մրցաշար
Գորայքի միջնակարգ դպրոցում վերջերս անցկացվեց շախմատի ներդպրոցական մրցաշար: Ուսուցիչ Վարդան Միանասյանի մեծ ջանքերի շնորհիվ մրցաշարն անցավ բավականին հետաքրքիր ու լարված պայքարում: Աշակերտները շատ ոգևորված ու ակտիվորեն մասնակցեցին , և արդյունքում ունեցանք չորս հաղթող .
Մերի Հակոբյանը /8-րդ դասարան/, Դմիտրի Օհանյանը/7-րդ դասարան/ և վերջերս Արցախից մեզ մոտ տեղափոխված քույր և եղբայր Գայանե և Նարեկ Հայրապետյանները/ 6-րդ և 5-րդ դասարաններ/:
Շնորհավորում ենք ընկեր Մինասյանին ու առաջատար աշակերտներին, մաղթում հաջողություններ ու մրցանակային բազում հորիզոնականներ
Մարտի 8
Դպրոցի գունագեղ զարդարված դահլիճն այսօր կրկին մարդաշատ էր: Աշխույժ երգերով, շնորհավորանքի ու երախտիքի խոսքերով, բանաստեղծական հուզիչ տողերով համեմված միջոցառումը նվիրված էր կանանց միամսյա տոնին: Ի վերջո սրտակեղեք ու արյունալի վեց ամիս շարունակ մեր երկրում կանայք վշատաբեկ ու արցունքով տառապելուց հետո արժանի են նաև շնորհավորանքի, ուրախության մաղթանքների: Չնայած եղանակային պայմանների բազմիցս խոչընդոտելուն` աշակերտներն ու նախակրթարանի փոքրիկները կազմակերպիչներ Աննա Վարդանյանի ու Աշխեն Դալլաքյանի օգնությամբ, աջակցությամբ կարողացան իրենց սրտի, երախտագիտության խոսքը հղել հայ մայրերին`վշտալլուկ ու սրտաբեկ, սփոփել նրանց չսպիացող վերքերը, հավատացնել, որ իրենց ուժերի ներածին չափով ամեն ինչ կանեն այսուհետ մեր երկրի խաղաղ երկնքի համար, հայ կնոջ աչքերը չոր պահելու համար:
Միջոցառման ավարտին շնորհավորանքի ու դրվատանքի խոսքերով ելույթ ունեցավ տնօրեն Մարտուն Թադևոսյանը, նաև պատվոգրերով շնորհավորեց շախմատի ուսուցիչ Վարդան Մինասյանին ու ներդպրոցական մրցաշարում առավել բարձր արդյունքներ ցուցաբերած աշակերտներին, ովքեր իրավունք են ստացել մասնակցելու տարածաշրջանային փուլին:
Մենք էլ միանում ենք շնորհավորանքներին, շնորհակալություն հայտնում ընկեր Վարդանյանին, նախակրթարանի դաստիարակչուհի Աշխեն Դալլաքյանին ու շախմատի ուսուցիչ ընկեր Մինասյանին, մաղթում աշխատանքային ուժ ու եռանդ, նորանոր միջոցառումներ, մտահղացումներ ու հաղթանակներ: